«Астон Вилла» «Брайтон»ни қийналиб енгди, аутсайдерлар кўзга ташланди

Бир пайтлар кетма-кет ғалабалари билан ҳаммани ҳайратга солган «Астон Вилла»нинг ўша серияси ортда қолди. Энди очколар Унаи Эмери жамоасига оғирлик билан келмоқда: уйда «Брентфорд»дан мағлубият, «Борнмут» билан дурангдан кейин «Брайтон»га қарши баҳсда ҳам яна муаммо юзага чиқиши мумкин эди. Бу ҳақда euro-football.ru хабар беради.

Бирмингемдаги «Вилла Парк»да 11-февраль куни бўлиб ўтган ўйинда «Вилла»ни ғалабага олиб келган ягона гол 86-дақиқада келди: «Брайтон» ҳимоячиси Жек Ҳиншалвуд ўз дарвозасига тўп киритиб қўйди.