Англия терма жамоаси Коста-Рика билан ўртоқлик ўйинини келишиб олди

Англия терма жамоаси мундиаль бошланиши олдидан навбатдаги ўртоқлик учрашуви бўйича келишувга эришди. The Mirror хабарига кўра, инглизларнинг рақиби Коста-Рика бўлади. Бу ҳақда euro-football.ru хабар беради.

Учрашув 10 июн куни бўлиб ўтади. Аввалроқ англияликлар 6 июн куни Янги Зеландия билан ҳам ўртоқлик ўйини ўтказиши маълум қилинганди. Ҳар икки баҳс АҚШда, Флорида штатидаги машғулот базаси яқинида ташкил этилади, аниқ манзил эса кейинроқ эълон қилинади.

Англия ва Коста-Рика шу пайтгача икки марта тўқнаш келган.