Жоао Педро «Челси» ўйинидан кейин афсусини яширмади

Лондоннинг «Челси» клуби ҳужумчиси Жоао Педро «Лидс»га қарши уй учрашувидан сўнг фикр билдирди. Баҳс 2:2 ҳисобида дуранг билан якунланди. Бу ҳақда euro-football.ru хабар беради.

Бразилиялик футболчи жамоа ўйинни назорат қилганини таъкидлади: «Учрашувни биз бошқардик, 2:0 ҳисобида олдинда бораётгандик. Кейин эса икки гол ўтказиб юбордик. Натижадан жуда хафамиз, чунки яхши ўйин кўрсатдик. Бу мавсумда бизда шундай ҳолатлар кўп такрорланмоқда», — дея унинг сўзларини клуб матбуот хизмати келтирди.