АПЛ 26-тур бугун давом этади: марказий баҳс “Манчестер Сити”–“Фулхэм”

Англия Премьер-лигасининг 26-тур ўйинлари бугун ҳам давом эттирилади. Кеча “туманли албион”да мазкур тур доирасида 4 та беллашув ўтказилди, энди эса навбат яна 5 та тўқнашувга келди.

Шубҳасиз, куннинг энг кўп кутилаётган ва энг кўп муҳокама қилинаётган ўйини — “Манчестер Сити” – “Фулхэм” тўқнашуви бўлади. Сабаби оддий: “шаҳарликлар” учун бу баҳсдаги ҳар бир очко олтинга тенг. Агар жамоа бугун қоқилиб қолса, пешқадам “Арсенал” билан оралиқдаги фарқ янада катталашиб кетиши мумкин. Чемпионлик пойгасида эса бундай “совға”лар кечирилмайди.