Капелло футболда навбатдаги катта инқилоб яқинлигини айтди

Россия терма жамоасининг собиқ бош мураббийи Фабио Капелло футболда яна бир катта ўзгаришлар даври яқинлашаётганини таъкидлади. Унинг фикрича, бундай “инқилоблар” одатда ҳар 20 йилда бир такрорланади. Бу ҳақда euro-football.ru хабар беради.

Италиялик мутахассис замонавий футбол тарихида шундай учта бурилиш нуқтасини эслатди: 1970-йиллар бошидаги “Аякс”нинг тотал футболi, 1980-йиллар охири ва 1990-йиллар бошида Арриго Сакки жорий этган тизим, шунингдек, орадан йигирма йил ўтиб Пеп Гвардиоланинг “Барселона”си билан боғлиқ услуби.