Роналду атрофидаги вазиятдан сўнг «Ал-Наср» раҳбари кетди

Криштиану Роналду билан боғлиқ норозиликлар клуб ичида из қолдирганга ўхшайди. Arriyadiyah хабарига кўра, Муҳаммад ас-Скит «Ал-Наср» директорлар кенгаши раиси лавозимидан истеъфога ариза топширди. У қарорини шахсий сабабларга боғлади, бироқ тафсилотларни очиқламади. Бу ҳақда euro-football.ru хабар беради.

Аввалроқ «Ал-Наср»да Роналдуга яқин бўлган португалияликлар — Жозе Семеду ва Симао Кутиньо ваколатлари қайта тиклангани айтилганди. Манбаларга кўра, юлдузли ҳужумчига клуб ички муаммоларни бартараф этиш бўйича аниқ ваъдалар берган.