Слот Собослайнинг четлатилиши ҳақида фикр билдирди

«Ливерпул» бош мураббийи Арне Слот Англия чемпионатида «Манчестер Сити»га қарши учрашувда Доминик Собослайнинг майдондан четлатилиши юзасидан изоҳ берди. Венгриялик яримҳимоячи рақибнинг аниқ гол уриш имкониятини тўхтатгани учун қизил карточка олди. Бу ҳақда euro-football.ru хабар беради.

Слотнинг айтишича, қизил карточкани кўрган пайтда у Собослай кейинги ўйинда «Сандерленд»га қарши майдонга туша олмаслигидан ранжиган. Бироқ у ҳакам қарорини ҳам тушунишини таъкидлади: қоидалар бор ва ҳакамлар уларга амал қилиши шарт.