«Ал-Наср» Роналду босими остида икки талабни бажариб қўйди

Криштиану Роналду бойкотни якунламоқда. Кутилишича, португалиялик ҳужумчи ҳафта охирида Саудия Арабистони чемпионатида «Ал-Фатеҳ»га қарши учрашувда майдонга тушади. Бу ҳақда euro-football.ru хабар беради.

A Bola хабарига кўра, «Ал-Наср» раҳбарияти юлдуз футболчи босими фонида икки масалани ижобий ҳал қилди. Аввало, Ар-Риёд клуби сўнгги соатларда ходимлар олдидаги қарздорликларни ёпди. Шунингдек, Роналдуга яқин бўлган спорт йўналишидаги шахслар — Жозе Семеду ва Симау Континьо — аввалги ваколатларини қайта тиклади.