Погребняк Собослаининг жарима зарбасини космик гол деб атади

Санкт-Петербургнинг “Зенит” клуби собиқ футболчиси Павел Погребняк Англия чемпионатида кеча бўлиб ўтган “Ливерпул” – “Манчестер Сити” учрашувида ярим ҳимоячи Доминик Собослаининг голи ҳақида фикр билдирди. Венгриялик футболчи жарима зарбасидан аниқ тепиб “шаҳарликлар” дарвозасини ишғол қилди, бироқ унинг жамоаси 1:2 ҳисобида мағлуб бўлди. Бу ҳақда euro-football.ru хабар беради.

“Собослаидан космик гол. Лекин бу тўп менга ниманидир эслатяпти… Ўйлашимча, у ўша машҳур гол таъсирида қолган”, — деб ёзди Погребняк ижтимоий тармоқларда.