ПСЖ «Марсель» дарвозасига бешта гол урди, Сафонов нол сақлади

Франция Лигасининг 21-тур марказий учрашувида ПСЖ ўз майдонида «Марсель»ни йирик ҳисобда мағлуб этди. Меҳмонлар ўйин давомида кескин қаршилик кўрсата олмади ва парижликлар устунлиги мантиқан ҳисобда ҳам акс этди. Бу ҳақда euro-football.ru хабар беради.

Баҳс бошида Бредли Баркола чап қанотдан жарима майдонига ёриб кириб, узоқ устун ёнидан хавфли зарба берди. 12-дақиқада эса Дезире Дуе Нуну Мендешни чапдан олдинга ажойиб узатма билан чиқариб юборди, Мендеш марказга пас узатди ва Усмон Дембеле бир тегишда аниқ якунлаб, ҳисобни очди — 1:0.