Эндрик ва Гринвуд Лига 1 ой футболчиси учун курашади

Франция Лига 1 январ ойининг энг яхши футболчиси соврини учун даъвогар бўлган уч футболчи номини эълон қилди. Қисқа рўйхатга «Лион»дан Эндрик ва Павел Шултс киритилди, учинчи номзод эса «Марсель» ҳужумчиси Мейсон Гринвуд бўлди. Бу ҳақда euro-football.ru хабар беради.

Қишки трансферлар ойнасида Эндрик «Реал»дан «Лион»га ижарага ўтди. Бразилиялик футболчи «тўқувчилар» сафида ўтказган 6 учрашувда 5 та гол уриб, 1 та голли пас берди. «Нант»га қарши шанба кунги ўйинда эса Эндрик қизил карточка олди.