Саудия Пролигаси. «Ан Наср» Роналдусиз «Ал Иттиҳод»ни мағлуб этди

Саудия Арабистони чемпионатининг 21-туридаги марказий тўқнашувда "Ан Наср" ўз майдонида "Ал Иттиҳод"ни қабул қилди ва ўйиннинг энг ҳал қилувчи дақиқаларида ғалабани “қўлга киритиб қўйди”. Учрашувнинг асосий драмаси ҳам шу ерда: 85-дақиқада Садио Мане пенальтидан ҳисобни очди, 90+7 дақиқада эса Ангело якуний нуқтани қўйди — 2:0.

Эътиборли жиҳати: риёдликлар етакчиси Криштиану Роналду клуб раҳбарияти ва лига сиёсатига нисбатан норозилик фонида кетма-кет иккинчи ўйинни ҳам ўтказиб юборгани айтилди.