Шомуродов учун кураш: "Фенербаҳче" "Башакшеҳир"га қўнғироқ қилди...

Элдор Шомуродовнинг Туркиядаги келажаги яна қизиқ тус олди. Sporsafe манбаси Fotomaç нашрига таяниб тарқатган хабарга кўра, ўзбекистонлик ҳужумчи Суперлигадаги ёрқин ўйинлари ортидан яна бир йирик клуб диққатини торта бошлади.

Гап шундаки, хабарларда “Фенербаҳче” Шомуродов бўйича “Башакшеҳир” билан алоқага чиққан. Мавсум давомида барқарор натижа кўрсатаётган форварднинг номи Истанбул грандининг трансфер режаларида пайдо бўлгани мухлисларнинг ҳам иштиёқини ошириб юборди: чунки бу — оддий қизиқиш эмас, аниқ “сўров”га ўхшайди.