Ўзбекистон U 20 терма жамоаси Хитой сафари олдидан ғалаба қайд этди

Ўзбекистон U-20 терма жамоаси янги мусобақалар олдидан тайёргарликни жиддий олиб бормоқда. 27 январдан бошлаб ёшлар Миллий футбол марказида ўқув-йиғин машғулотларини бошлаб юборди ва биринчи текширув ўйинидаёқ яхши кайфиятда эканини кўрсатди.

Жамолиддин Раҳматуллаев бошчилигидаги жамоа 1 февраль куни Олимпик-MobiUz'га қарши назорат учрашувида майдонга тушди. Том маънодаги “ёшларча” жанг бўлди: тезлик, кураш, голлар — ҳаммаси бор. Якунда U-20 3:2 ҳисобида ғалаба қозониб, йиғиннинг биринчи босқичини ижобий натижа билан безади.