Fransk dominans i EM – beste norske blei nummer ni

Dei franske kvinnene imponerte under EM-jaktstarten på Sjusjøen, og tok dei fem øvste plassane. Gilonne Guigonnat vann framfor Celia Henaff og Amandine Mengin. – Det var overlegent. Eg trur ikkje eg har sett noko liknande, sa TV2s ekspert Tiril Eckhoff. Beste norske blei Juni Arnekleiv, som gjekk inn til ein 9. plass. Ho starta som nummer 14, halvanna minutt bak Guigonnat som starta først. Emilie Kalkenberg blei nummer 15 og Guro Ytterhus blei nummer 18.