Бензема янги шартнома туфайли "Ал Иттиҳод"да ўйнашни тўхтатди

Саудия Арабистонининг «Ал-Иттиҳод» клубида шов-шувли вазият юзага келди: жамоа ҳужумчиси Карим Бензема янги шартнома бўйича келишмовчиликлар сабабли клуб ўйинларида қатнашишни вақтинча тўхтатди.

Манбаларга кўра, клуб раҳбарияти 38 ёшли француз юлдузига янги келишув таклиф қилган. Бироқ таклифдаги энг катта “тўсиқ” — маош масаласи: янги шартномада ҳақ тўлаш миқдори амалдаги келишувга нисбатан сезиларли қисқартирилгани айтилмоқда. Бенземанинг ҳозирги шартномаси эса 2026 йил июнь ойида ўз якунига етади.