Африка Кубоги финалидаги жанжаллар учун кескин жазолар берилди

Йиллар давомида мухлислар эслаб юрадиган Африка Миллатлар Кубоги финалидан кейин эҳтирослар сал пасайгач, Африка футболини бошқарувчи ташкилот — CAF (Африка Футбол Конфедерацияси) ўша ўйин атрофидаги тартибсизликлар ва баҳсли ҳолатлар бўйича расмий жазоларни эълон қилди. Финал шунчаки трофей учун эмас, майдондаги ва майдон ташқарисидаги кескинликлар билан ҳам “тарихга кириб” улгурганди.

Унутилмас учрашув Сенегалнинг ғалабаси билан якунланди, аммо ўйин давомида ва айниқса охиридаги воқеалар барча эътиборни ўзига тортди.