Футзал бўйича Осиё кубоги. Чоракфиналга йўл олган 4 жамоа маълум бўлди

Индонезияда ўтаётган Осиё кубогида А ва В гуруҳларида 2-тур баҳслари якунланди. Энг қизиғи — ҳар икки гуруҳда ҳам чоракфиналга чиққан жамоалар охирги турни кутмасдан аниқ бўлиб улгурди.

А гуруҳида Индонезия ва Ироқ “билет”ни эрта олди

А гуруҳида мезбон Индонезия Қирғизистонга қарши ўта ҳужумкор ўйин кўрсатиб, 5:3 ҳисобида ғалаба қозонди. Шу билан бирга, Ироқ Жанубий Корея билан драматик тўқнашувда 3:2 ҳисобида устун келиб, очколарини 6 тага етказди. Натижада Индонезия ҳам, Ироқ ҳам муддатидан аввал чоракфиналга йўл олди.