Унаи Эмери "Реал" курсисида: Арбелоанинг ўрни хавф остидами?

Мадриднинг «Реал» клубида бош мураббийлик мавзуси яна қизиб кетди. Журналист Рамон Альварес тарқатган маълумотга кўра, агар Альваро Арбелоа лавозимидан озод этилса, ҳозир «Астон Вилла»ни бошқараётган Унаи Эмери «қироллик клуби» учун асосий номзодлардан бири сифатида кўрилмоқда.

Манбаларда айтилишича, эҳтимолий сценарий олдиндан ҳам “тупроғини қовуриб қўйган”: мутахассиснинг жорий мавсум якунлангач Мадридда иш бошлашга тайёр ёки тайёр эмаслиги ҳақида дастлабки суҳбатлар ўтказилгани тилга олинмоқда.