Абдиқодир Ҳусановнинг Чемпионлар лигасидаги ўйини қандай баҳоланди?

Европа Чемпионлар лигаси умумий босқичининг ҳал қилувчи — саккизинчи турида “Манчестер Сити” ўз майдонида Туркиянинг амалдаги чемпиони “Галатасарой”ни қабул қилди. Қатъият, интизом ва аниқ режа ҳисобига “шаҳарликлар” 2:0 ҳисобида ғалаба қозониб, жадвалда саккизинчи поғонани эгаллади ва тўғридан-тўғри 1/8 финалга йўл олди.

Ўйинда голлар Эрлинг Холанд ҳамда Райан Шерки ҳисобига ёзилди. “Сити” ҳужумда ҳам, ҳимояда ҳам “таранг резинадек” тартибли кўринди: бир хатога йўл қўйса ҳам, дарҳол суғурталаш ишлади.