«Килмес» стадиони янгиланиши учун мухлисларни ёрдамга чақирди

Аргентинанинг энг қадимий клубларидан бири саналадиган «Килмес» 1887 йилда ташкил топган. Тарихий жамоанинг мухлислари кўп бўлса-да, ҳозир клуб оғир даврни бошдан кечирмоқда ва қўллаб-қувватлашга муҳтож. Бу ҳақда euro-football.ru хабар беради.

Клуб раҳбарияти стадионни қайта қуриш ташаббуси билан мухлисларга мурожаат қилди. Қизиқ томони шундаки, бу сафар гап пул йиғиш ҳақида эмас: ишқибозлардан стадионга келиб, эски усулда жисмоний меҳнат қилиш, майдондаги турли вазифаларни бажариш сўралмоқда.