Атлетико Бавария ярим ҳимоячисини тезроқ имзоламоқчи

Диего Симеоне таркибдаги йўқотишлар фонида қишки трансфер ойнасининг сўнгги кунларида фаол бўлишни истамоқда. Mundo Deportivo хабарига кўра, Мадрид клуби «Бавария» ярим ҳимоячиси Леон Горетска бўйича музокараларни жадаллаштирди. Бу ҳақда euro-football.ru хабар беради.

Горетсканинг Мюнхен клуби билан шартномаси ёзда якунланади, яъни мавсум охирида у эркин агентга айланиши мумкин. «Бавария» ҳозир футболчини 20 миллион евроқа баҳоламоқда, «Атлетико» эса шартнома муддати тугаётганини инобатга олиб, бу нархни ортиқча деб ҳисоблаяпти.