«Удинезе» «Верона» майдонида ишончли ғалабани қўлга киритди

А Сериянинг 22-тури доирасидаги якуний учрашувда «Верона» ўз майдонида «Удинезе»ни қабул қилди. Бу ҳақда euro-football.ru хабар беради.

Биринчи бўлим ўрталарида Кинан Дейвиснинг зарбасини ҳимоячилар қайтарди, эпизод давомида Жордан Земура пас узатиб берди ва Артюр Атта ҳисобни очди — 0:1. Орадан уч дақиқа ўтиб, Амин Сарр ҳужумни жадаллаштирди, Гифт Орбан эса имкониятдан унумли фойдаланди — 1:1.

58-дақиқада меҳмонлар яна олдинга чиқиб олди: Земуранинг зарбасидан кейин тўп қайтиб келди ва Алессандро Дзаноли аниқ якунлади — 1:2.