Джикия агенти «Антальяспор» ҳимоячисининг келажаги ҳақида гапирди

Россиялик ҳимоячи Георгий Джикиянинг «Антальяспор»даги келажаги борасида футболчининг агенти Владимир Кузмичёв изоҳ берди. Бу ҳақда euro-football.ru хабар беради.

Агентнинг айтишича, Джикиянинг ҳолати яхши ва клуб мураббийлар штаби унга ишонч билдирмоқда. Сўнгги ўйинларда майдонга тушмаганига сабаб микрожароҳат бўлган, ҳозир эса у тўлиқ тикланган ва кейинги учрашувда ўйнаши кутилмоқда.

Аввалроқ турк матбуотида «Антальяспор» «Спартак»нинг собиқ сардори билан хайрлашиши мумкинлиги ҳақида хабарлар тарқалган эди.