Жикия агенти ҳимоячининг «Антальяспор»даги келажагини изоҳлади

«Антальяспор» футболчиси Георгий Жикиянинг агенти Владимир Кузьмичёв россиялик ҳимоячининг келажаги борасидаги вазиятга тўхталди. Бу ҳақда euro-football.ru хабар беради.

Агентнинг айтишича, Жикия билан ҳаммаси жойида ва клуб ундан ҳали ҳам катта умид қилмоқда. Сўнгги учрашувларда майдонга тушмагани эса микрояроҳат билан боғлиқ бўлган, ҳозир эса футболчи тикланиб бўлган ва кейинги ўйинда сафга қайтиши кутилмоқда.

Аввалроқ ОАВда турк клуби «Спартак»нинг собиқ сардори билан хайрлашмоқчи экани ҳақида хабарлар тарқалган эди.