Вейк-ан-Зееда ўзбек дуэти пешқадамликни қўлга олди

Нидерландиянинг Вейк-ан-Зее шаҳрида ўтаётган Tata Steel Chess–2026 мусобақасида кураш тобора қизиб бормоқда. Турнирнинг 6-тур баҳслари якунланди ва айнан шу турдан сўнг Masters гуруҳида ўзбек шахмат мактабининг кучини яққол кўрсатган манзара юзага чиқди.

6-турда Нодирбек Абдусатторов амалдаги жаҳон чемпиони — ҳиндистонлик Гукеш Доммаражуни мағлуб этиб, турнирдаги энг шов-шувли ғалабалардан бирига эришди. Кескин ва охиригача интрига сақлаган партиядан кейин бу натижа Нодирбекни якка пешқадамга айлантирди.