Жикия агенти ҳимоячининг «Антальяспор»даги келажагини ойдинлаштирди

«Антальяспор» ҳимоячиси Георгий Жикия атрофидаги гап-сўзларга унинг агенти Владимир Кузьмичёв муносабат билдирди. Бу ҳақда euro-football.ru хабар беради.

Агентнинг айтишича, футболчининг ҳолати яхши ва клуб мураббийлар штаби унга ишонмоқда. Жикия сўнгги учрашувларда майдонга тушмаганига сабаб микрояроҳат бўлгани, ҳозир эса тўлиқ тиклангани таъкидланди. Кузьмичёв фикрича, ҳимоячи кейинги ўйинда таркибда бўлиши мумкин.

Аввалроқ ОАВда турк клуби «Спартак»нинг собиқ сардори билан хайрлашмоқчи экани ҳақида хабарлар тарқалган эди.