Егор Титов «Ньюкасл» – «Астон Вилла» баҳсида мезбонларни танлади

Англия Премьер-лигасининг 23-тури доирасида «Ньюкасл» ўз майдонида бирмингемлик «Астон Вилла»ни қабул қилади. Учрашув олдидан Россия терма жамоасининг собиқ футболчиси Егор Титов ўз фикрлари билан ўртоқлашди. Бу ҳақда euro-football.ru хабар беради.

Титовнинг таъкидлашича, «Ньюкасл» жисмонан ҳам, руҳий жиҳатдан ҳам янада тетикроқ кўринади ва ҳужум чизиғида танлов имконияти кенг. Шунингдек, у «Астон Вилла» сафида ярим ҳимоянинг муҳим бўғини Жон Макгинн ўйнамаслигини эслатиб, ушбу омил мезбонлар фойдасига ишлашини қайд этди.