Гвардиола Холандни ҳимоя қилди: Эрлинг ҳеч кимдан узр сўраши шарт эмас

“Манчестер Сити” бош мураббийи Хосеп Гвардиола жамоанинг сўнгги натижалари қониқарсиз бўлаётгани фонида Эрлинг Холандга нисбатан танқидлар кўпайганига муносабат билдирди. Испаниялик мутахассиснинг айтишича, норвегиялик ҳужумчи ҳеч ким олдида узр сўраши шарт эмас, чунки у майдонда бор кучини бериб ўйнаяпти ва курашдан тўхтагани йўқ.

Гвардиола Холанд атрофидаги муҳокамаларни сал тинчлатиб, масалани жамоавий нуқтаи назардан қўйди: агар “Сити” ғалаба қозона олмаётган бўлса, буни бир футболчининг елкасига илиб қўйиш адолатдан эмас.