Винисиус «Реал»нинг 20 млн евро маошли янги шартномасини рад этди

Мадриднинг «Реал» клуби бразилиялик юлдуз Винисиус Жуниор билан шартномани узайтириш масаласида ҳали ҳам музокараларни давом эттиряпти. The Athletic тарқатган маълумотларга кўра, томонлар алоқани узмаган, аммо бу жараёнда шошқалоқлик ҳам сезилмаяпти.

Айни пайтда Винисиуснинг «қироллик клуби»даги маоши солиқлардан ташқари ҳисобда йилига 18 миллион еврони ташкил этади. «Қаймоқранглилар» эса форвардга янги келишув таклиф қилиб, бир мавсум учун 20 миллион евро маош назарда тутилган шартнома вариантини олға сурган.