Ўзбекистон терма жамоаси Дубайда Хитой терма жамоасига қарши ўйнайди

Айни кунларда Ўзбекистон миллий терма жамоаси Бирлашган Араб Амирликларининг Дубай шаҳрида ўқув-машғулот йиғинларини олиб бормоқда. Бу йиғин одатий “тайёргарлик лагери”дан кўра кўпроқ селекция ва текширув руҳида ташкил этилгани билан аҳамиятли.

Мураббийлар штаби йиғин давомида миллий жамоага номзод футболчиларнинг имкониятларини синчковлик билан синовдан ўтказишни, шу билан бирга, ҳар бир ўйинчининг жисмоний тайёргарлиги ва умумий ҳолатини назорат қилишни режа қилган. Қисқача айтганда, ким қандай формада — ҳаммаси жойида текширилади.