«Арсенал» биринчи бўлиб ЕЧЛ 1/8 финалини кафолатлаган жамоа бўлди

Лондоннинг «Арсенал» клуби Чемпионлар лигаси 2025/2026 йилги мавсумида энг тез “масалани ёпган” жамоага айланди. «Тўпчилар» умумий босқичдаги навбатдаги ғалабаси орқали 1/8 финалга чиқишни расман кафолатлади ва бу натижага биринчи бўлиб эришди.

Умумий босқичнинг 7-турида Микель Артета шогирдлари сафарда Миланнинг «Интер» клубига қарши майдонга тушди. Марказий беллашувлардан бири сифатида баҳоланган ўйинда лондонликлар ўзига хос ишонч ва ўткирлик намойиш этиб, 3:1 ҳисобида ғалаба қозонди.