Холанд: Ушбу мағлубиятга изоҳ тополмадим, мухлислардан узр сўрайман
Норвегияда бўлиб ўтган “Будё Глимт” — “Манчестер Сити” (3:1) учрашувидан кейин Championat.asia журналисти Абдулвосит Бектемиров “шаҳарликлар” ҳужумчиси Эрлинг Холанд билан эксклюзив флэш-интервью уюштирди. Голсиз қолгани ва жамоанинг оғир мағлубияти фонида Холанд суҳбатда очиқ гапирди: “изоҳ йўқ”, “узр сўраш қолди”, дейди у.
Икки дақиқада иккита гол: “ростдан ҳам тушунтиролмайман”
Журналист биринчи бўлиб энг оғриқли нуқтани кўтарди: нега жамоа қисқа вақт ичида кетма-кет икки бор гол ўтказиб юборди?