Самарқанд «Динамо»си Тил Мавретич билан расман шартнома имзолади

Самарқанднинг «Динамо» клуби 2026 йилги янги мавсум олдидан таркибни кучайтиришни давом эттирмоқда. Клуб матбуот хизмати хабарига кўра, жамоа словениялик яримҳимоячи Тил Мавретич билан келишувга эришди ва у расман «Динамо» футболчисига айланди.

Айни пайтда Дубайда йиғин ўтказаётган самарқандликлар сафига 28 ёшли легионер қўшилди. Мавретич билан бир йиллик шартнома тузилгани қайд этилди. Клуб баёнотида у янги мавсум арафасидаги навбатдаги янги трансфер сифатида таништирилди ва жамоага тезроқ мослашиб кетишига ишонч билдирилди.