Марк Гехи «Манчестер Сити»га яқин: нарх, маош ва муддатлар аниқ бўлди

“Кристал Пэлас” ҳимоячиси Марк Гехининг “Манчестер Сити”га йўл олиши ҳақидаги гап-сўзлар тобора реал тус оляпти. Журналист Флориан Плеттенберг ўз манбаларига таяниб, ушбу трансфер бўйича муҳим рақамлар ва яқин кунлардаги режаларни очиқлади.

Унинг маълум қилишича, “Сити” 25 ёшли марказий ҳимоячи учун 26 миллион фунт миқдорида кафолатланган тўлов амалга оширади. Бундан ташқари, битимга 3 миллион фунт атрофида бонуслар ҳам қўшилиши кутилмоқда. Яъни, умумий сумма турли шартлар бажарилишига қараб янада ўсиши мумкин.