“Сурхон” ҳужумни кучайтирди: нигериялик Стивен Чинеду расман жамоада

Термиз клуби янги легионер билан таркибини мустаҳкамлаётганини расман маълум қилди. Клуб ахборот хизмати тарқатган хабарга кўра, жамоа сафига Нигериялик ҳужумчи Стивен Чинеду келиб қўшилди.

Расмий баёнотда айтилишича, 26 ёшли футболчи билан “1+1” шаклидаги шартнома имзоланган. Яъни клуб ундан қониқса, ҳамкорликни яна бир мавсумга узайтириш имконияти ҳам мавжуд. Бу эса “Сурхон” раҳбарияти трансферга “бир кўриб, кейин қарор қиламиз” эмас, балки режали ва эҳтиёткор ёндашганини кўрсатади.

Чинедунинг амплуаси — марказий ҳужумчи.