“Реал”да хавотир: клуб икки нафар футболчисидан норози бўлмоқда...

Мадриднинг “Реал” клубида ёш истеъдодлар масаласи яна кун тартибига чиқди. Манбаларга кўра, “қироллик клуби” Арда Гюлер ҳамда Франко Мастонтуононинг сўнгги ўйинлари ва умумий ҳолатидан тўлиқ қониқмаяпти. Жамоа ичида икки футболчининг ривожланиш суръати, майдондаги таъсири ва барқарорлиги синчиклаб кузатилмоқда.

Айниқса, Арда Гюлернинг вазияти “Реал” раҳбариятини кўпроқ ўйлантиряпти. Туркиялик ярим ҳимоячига клубда катта умид боғланган — ҳатто уни “янги Лука Модрич” сифатида кўришгани ҳам айтилган.