Ҳусанов яримфинал қаҳрамони: у Лига кубоги рамзий жамоасидан жой олди

Англия Лига кубоги яримфиналида ўзбек футболи учун яна бир қувончли янгилик қайд этилди. "Манчестер Сити" ҳимоячиси Абдуқодир Ҳусанов SofaScore талқинига кўра яримфиналнинг рамзий жамоасидан жой олди. Бу эътироф тасодифий эмас — у "Нюкасл"га қарши баҳсда (2:0) майдондаги энг барқарор ва ишончли ўйинчилардан бири бўлди.

Ўша учрашувда Ҳусанов рақиб ҳужумларини бартараф этишда, позиция танлашда ва дуэлларда устунлик кўрсатди. Натижада портал мутахассислари уни 8,1 балл билан баҳолади — яримфинал босқичи учун жуда юқори кўрсаткич.