Ўзбекистон U-23 терма жамоасининг чорак финалга чиқиш имкони қандай?

Бугун Ўзбекистоннинг 23 ёшгача бўлган ёшлар терма жамоаси Осиё кубоги гуруҳ босқичида Корея Республикасига қарши майдонга тушади. Ушбу учрашув «С» гуруҳидаги вазиятни кескин равшанлаштириб, чорак финалга йўлланма масаласига аниқ жавоб беради.

Равшан Ҳайдаров бошқарувидаги жамоамиз айни пайтда Корея билан бир хил — 4 очкодан жамғарган. Бугунги баҳсдаги ғалаба вакилларимизга гуруҳ пешқадами сифатида кейинги босқичга чиқиш имконини тақдим этади.

Параллел учрашувда Эрон ва Ливан ёшлар терма жамоалари ўзаро куч синашади.