Мартинес Роналдуга ЖЧ-2026 олдидан рақобат кучайишини эслатди

Португалия терма жамоаси бош мураббийи Роберто Мартинес Криштиану Роналдуга 2026 йилги жаҳон чемпионати олдидан ҳужум чизиғида рақобат янада кучайишини билдириб ўтди. Бу ҳақда euro-football.ru хабар беради.

Мутахассис мундиал учун таркибда икки эмас, уч нафар марказий ҳужумчини рўйхатга киритишни режалаштирмоқда. Мартинеснинг айтишича, терма жамоа эшиклари ҳамиша очиқ, бироқ айнан рақобат таркибга киришни анча мураккаблаштиради. Унга кўра, учинчи ҳужумчи позицияси ЖЧ-2026да муҳим рол ўйнайди.