Лапорта «Реал» билан алоқалар тикланиши мумкинлигини айтди

«Барселона» президенти Жоан Лапорта клубнинг «Реал» билан муносабатлари сўнгги пайтларда совуқлашганини тан олди. Бу ҳақда euro-football.ru хабар беради.

Шу билан бирга, «кўк-анорранглилар» раҳбари Испания футболидаги икки йирик гранд ўртасидаги алоқалар келажакда яна ижобий томонга ўзгариши мумкинлигини таъкидлади.

«Биз “Реал” ва унинг вакилларига максимал ҳурмат билан қараймиз. Муносабатлар таранглашди, аммо ҳаётдагидек ҳаммасини тўғрилса бўлади. Бу ҳар икки томонга боғлиқ», — дея Лапортанинг сўзларини келтиради El Espanol.