«Реал» Мбаппени Эль Класикода майдонга тушириши учун ҳаммасига тайёр

Мадриднинг «Реал» клуби Испания Суперкубоги финалида «Барселона»га қарши баҳсда Килиан Мбаппени асосий таркибда кўришни истамоқда. Бу ҳақда euro-football.ru хабар беради.

Якшанба куни бўлиб ўтадиган Эль Класико олдидан жароҳатдан тикланган француз ҳужумчи Саудия Арабистонига етиб келган, бироқ унинг илк дақиқалардан ўйнашга қанчалик тайёр экани ҳозирча аниқ эмас. L'Equipe хабарига кўра, Мбаппенинг старт таркибда майдонга тушиш эҳтимоли юқори ва «Реал» бу учун барча имкониятларни ишга солмоқчи.