Дортмунднинг «Боруссия» клуби Станковичнинг ўғлига қизиқиш билдирди

Деян Станковичнинг ўғли Александар Европадаги клублар эътиборини тобора кўпроқ тортмоқда. Аввалроқ уни Лондоннинг «Арсенал» жамоаси таркибида кўришни истагани ҳақида хабарлар чиққанди, энди эса рўйхатга Дортмунднинг «Боруссия»си ҳам қўшилиши мумкин. Бу ҳақда euro-football.ru хабар беради.

Bild нашрининг ёзишича, футболчига талаб ва нарх ошиб бораётгани фонида «Боруссия» уни айнан ҳозир, кечиктирмай сотиб олиш имкониятини кўриб чиқмоқда. Дортмунд скаутлари эса одатдагидек ёш истеъдодларни синчиклаб кузатишда давом этяпти.