Фабиан Руис Сафонов ва Шевальени юқори баҳолади

Бу қишдаги пенальтидан кейинги серияларда Матвей Сафонов ва Люка Шевале амалга оширган муҳим сейвлар ПСЖга икки совринни тақдим этди: Қитъалараро кубок ҳамда Франция Суперкубоги. Бу ҳақда euro-football.ru хабар беради.

Париж клубининг яримҳимоячиси Фабиан Руис дарвозабонлар ўйинига алоҳида тўхталиб, жамоада пенальтилар борасида ҳақиқий мутахассислар борлигини таъкидлади. Унинг сўзларига кўра, 11 метрлик зарбалар масаласида у дарвозабонларга тўлиқ ишонади ва айнан улар ПСЖга титуллар олиб келмоқда.