Рабио «Милан» лагерида ваҳима йўқлигини қатъий айтди

«Милан» ярим ҳимоячиси Адриен Рабио «Женоа»га қарши учрашувда очко йўқотилгани ёқимсиз бўлса-да, жамоа ичида ваҳима кайфияти йўқлигини таъкидлади. Француз футболчига кўра, бош мураббий Массимилиано Аллегри вазиятни назоратда ушлаб турибди. Бу ҳақда euro-football.ru хабар беради.

Рабио мавсум ҳали эндигина қизиқаётганини эслатиб, чемпионат май ойида якунланишини айтди. Унинг сўзларига кўра, олдинда кўплаб ўзаро тўқнашувлар ва муҳим баҳслар бор, шу сабаб «Милан» сокин, асабийлик ва шошқалоқликка ўрин йўқ.