ПСЖ пеналтилар сериясида «Марсел»ни енгиб, суперкубокни ютди (видео)

Кувайтда ўтган Франция Суперкубоги учун баҳс ҳақиқий триллерга айланди. Франция чемпионати ва кубоги ғолиби «ПСЖ» мамлакат вице-чемпиони «Марсел» билан тўқнаш келди ва ўйин охиригача асабларни “синовдан ўтказди”.

Учрашувнинг бошидаёқ парижликлар тезликни оширди. 13-дақиқада Усмон Дембеле ҳисобни очиб, «ПСЖ»га эрта устунлик олиб берди. Шундан кейин ҳам «ПСЖ» ўйинни назорат қилишга уринди, аммо «Марсел» таслим бўлмади — Роберто Де Зерби жамоаси иккинчи таймда умуман бошқа кайфиятда майдонга қайтди.