Равшан Ҳайдаров U-23 Осиё кубогидаги илк ғалаба ҳақида нималар деди?

Саудия Арабистонида ўтаётган U-23 Осиё кубогида Ўзбекистон ёшлар терма жамоаси турнирни ғалаба билан бошлади. Ливанга қарши драматик кечган баҳс 3:2 ҳисобида якунлангач, бош мураббий Равшан Ҳайдаров ҳамда учрашувнинг энг яхши ўйинчиси деб топилган Саидумархон Саиднуруллаев матбуот анжуманида қатнашиб, ўйиннинг “ичкарисида” нима бўлганини очиқ айтишди.

Ҳайдаров: ўйин бизда, финишда асаблар ишга тушди

Равшан Ҳайдаровнинг таъкидлашича, беллашувнинг катта қисмида ташаббус ва назорат ўзбек жамоаси қўлида бўлган.