Ўзбекистон термаси жамоасига номзод футболчилар текширувдан ўтишмоқда

Ўзбекистон миллий терма жамоасига номзод бўлиб турган футболчиларнинг тиббий ва жисмоний кўрик жараёнлари режа асосида давом этмоқда. Бу ҳақда Ўзбекистон футбол ассоциацияси (ЎФА) матбуот хизмати расман маълум қилди.

Қайд этилишича, бугун ҳам термага даъво қилаётган ўйинчилар тиббий текширув ва жисмоний тайёргарлик бўйича махсус синовлардан ўтказилди. Мураббийлар штаби эса ҳар бир футболчининг умумий жисмоний ҳолати, саломатлиги ҳамда функционал кўрсаткичларини алоҳида-алоҳида таҳлил қилиб, барча натижаларни қайд этиб бормоқда.