Гвардиола «Брайтон» олдидан жароҳатлар ва трансферлар ҳақида гапирди
АПЛнинг 21-турида “Брайтон”га қарши муҳим баҳс олдидан “Манчестер Сити” бош мураббийи Хосеп Гвардиола матбуот анжуманида қатнашди. Жамоадаги жароҳатлар “бош оғриқ” бўлиб турган бир пайтда, у қишки трансфер режалари, “Арсенал”нинг кучайиши ва айрим кадрлар атрофидаги муҳокамалар бўйича ҳам ўз фикрини яширмади.
“Рубен Аморим — юқори савиядаги мураббий”
Гвардиола “Манчестер Юнайтед” томонидан қабул қилинган қарор ҳақида сўралганда, Аморимнинг мураббий сифатидаги салоҳиятини алоҳида таъкидлади.