Африка кубоги. Нигерия Мозамбикни мағлуб этиб, чоракфиналга йўл олди

Африка Миллатлар кубогида нимчоракфинал босқичининг навбатдаги тўқнашуви мухлисларга ҳақиқий шоу тақдим этди. Нигерия терма жамоаси Мозамбикка қарши майдонга тушиб, рақибни ҳеч қандай жавоб голи уриш имкониятисиз қолдирди ва ишончли 4:0 ҳисобида ғалаба қозонди.

Учрашувнинг биринчи бўлимида “супер бургутлар” тезда ташаббусни қўлга олди. 20-дақиқада Адемола Лукман ҳисобни очиб, жамоасини олдинга бошлади. Орадан кўп ўтмай, 25-дақиқада Виктор Осимҳен ўз сўзини айтиб, устунликни икки баробарга оширди.